Samkvæmt íslenskum lögum er það á ábyrgð atvinnurekenda að gera áhættumat fyrir öll störf.  þannig eru miklar skyldur og ábyrgð lagðar á hendur atvinnurekenda.  Það er á verksviði sérfræðinga að aðstoða með gerð áhættumats en hér koma nokkur atriði til umhugsunar um hvað þarf að hafa til hliðsjónar við slíkt mat.
 

Áhættumat starfs felur í sér greiningu og skráningu álags– og áhættuþátta sem tengjast:

  • líkamlegu álagi
  • aðbúnaður og umhverfi
  • efnanotkun
  • lífefnafræðilegir þættir
  • andlegu álagi
  • slysahættu
Skoða hvort aðlaga þurfi innréttingu vinnustaðar, húsmuni, hjálpartæki, vinnu– og framleiðsluaðferðir að starfsmönnum.
 

Vinnu af eftirfarandi tagi þarf að varast eða takmarka:

  • einhliða, lýjandi vinnu
  • vinnuhraða sem getur valdið heilsutjóni
  • vinnu í einangrun
Hentug hjápartæki þurfa að vera tiltæk.
Starfsreglur um þrif, viðgerðir og viðhald.
Ráðstafanir vegna skyndihjápar, brunavarna og rýmingar.
Æfinga– og viðbúnaðaráætlun vegna neyðarástands við hættuleg störf.
 

Viðeigandi ráðstafanir gegn:

  • hættu á hruni, hrapi, skriði, titringi og hættu frá rafmagni
  • sprengihættu, eldsvoða, eitrun, köfnun o.þ.h.
  • leka, rykmyndun, reyk, gufu, óþef, gasi o.þ.h.
  • smitsjúkdómum
  • miklum hita eða kulda
  • slæmu innilofti og lélegri lýsingu
  • óþörfum hávaða
  • ónauðsynlegri geislun
  • þarflausu álagi vegna efnanotkunar
  • ónauðsynlegu líkamlegu álagi
  • óhentugum vinnustellingum og hreyfingum.

Gera þarf lýsingu og mat á vinnuumhverfisvandamálum fyrirtækisins

  • Tegund, alvara og umfang vandans
  • Orsakir vandans

Forgangsröðun og gerð framkvæmdaáætlunar

  • Hvernig á að leysa vandamálin?
  • Hver á framkvæma það?
  • Hvenær á að leysa vandamálin?

Eftirfylgni með framkvæmdaáætluninni

  • Hver ber ábyrgð á framkvæmd áætlunarinnar?
  • Hvenær og hvernig á að fylgja framkvæmdum eftir?