1. Hurðir og gluggar

    Hafið hurðir ætíð læstar og glugga lokaða og krækta aftur.

  2. Læsingar og krækjur

    Mikilvægt er að krækjur á gluggum séu traustar og læsingar sterkar og af viðurkenndri gerð.

  3. Lýsing

    Góð lýsing utandyra fælir þjófa frá. Hugið sérstaklega að bakgarðinum þar sem þjófur hefur e.t.v. mest næði til að athafna sig.

  4. Verðmæti utandyra

    Hafið öll áhöld, reiðhjól og önnur tæki læst inni.

  5. Stigar og verkfæri til innbrota

    Læsið inni stiga og önnur verkfæri sem hægt er að nota til innbrota.

  6. Verðmæti innandyra

    Ekki láta þá sem standa fyrir utan húsið sjá verðmæti eins og fartölvur, myndavélar og annað sem auðvelt er að koma í verð.

  7. Varist að auglýsa ferðalagið

    Farið varlega í að tilkynna ferðalög og fjarveru af heimili, t.d. á símsvara eða internetinu (t.d. Facebook).

  8. Sérstakar ráðstafanir fyrir verðmætustu hlutina

    Heppilegt er að koma dýrmætum hlutum eins og frímerkja- eða myntsöfnum, dýrum skartgripum o.þ.h. fyrir á öruggum stað, t.d. í traustum verðmætaskáp eða bankahólfi.

    Takið einnig myndir af verðmætum hlutum og skráið raðnúmer þeirra.

  9. Látið líta út fyrir að einhver sé heima

    Ef þið eruð fjarverandi af heimilinu í einhvern tíma:

    • Hafið ljós kveikt eða útvarp í gangi.

    • Gætið þess að blöð og póstur safnist ekki saman á sýnilegan hátt fyrir utanaðkomandi.

    • Ef þið eruð fjarverandi um vetrartíma er gott að fá nágranna til að setja fótspor að inngangi.

  10. Setjið öryggiskerfi ávallt á vörð

    Jafnvel þó heimilið sé einungis yfirgefið í skamma stund. Setjið öryggiskerfi á „næturstillingu“ þegar fjölskyldan fer að sofa.

Ímyndið ykkur að þið séuð læst úti - hvernig mynduð þið komast inn?
Þjófurinn notar líklegast sömu aðferð!

Fáðu öryggi í áskrift