SJÁLFBÆRNISTEFNA ÖRYGGISMIÐSTÖÐVARINNAR

 

Öryggismiðstöðin skuldbindur sig til þess að hafa sjálfbærni í fyrirrúmi og innleiða hana í kjarnastarfsemi sína.

Fyrirtækið setur sér mælanleg markmið og stuðlar með góðum stjórnarháttum, ákvörðunum og aðgerðum að því að markviss árangur náist til eflingar á sjálfbærni fyrirtækisins. Öryggismiðstöðin veiti árlega upplýsingar til hagaðila um stöðu markmiða og þróun árangurs.

Áhersla verði á eftirfarandi þrjú af heimsmarkmiðum Sameinuðu þjóðanna: heilsu og vellíðan, jafnrétti kynjanna og ábyrga neyslu og framleiðslu.

Öryggismiðstöðin deilir með öðrum fyrirtækjum reynslu og árangri og lætur þannig gott af sér leiða og er til fyrirmyndar í sjálfbærni, fremst í sínum geira með gildi fyrirtækisins að vopni: forystu, umhyggju og traust.