Hjálpartæki

Ertu með hjálpartæki í láni frá Sjúkratryggingum Íslands?

Hægt er að koma með allar tegundir hjálpartækja í viðgerð á verkstæði okkar að Askalind 1 í Kópavogi. Öryggismiðstöðin er með samning við SÍ um viðgerðir hjálpartækja og rekur fullkomið verkstæði.

Fyrir stærri hjálpartæki er hægt að hringja í síma 570 2400 og óska eftir að við sækjum.

Þú getur komið með öll hjálpartækin á einn stað, við útvegum alla nauðsynlega varahluti og látum vita þegar hjálpartækið er tilbúið til ahendingar. Smærri viðgerðir er oft hægt að afgreiða á staðnum. Við erum með þægilega aðstöðu fyrir þig að bíða og alltaf heitt á könnunni.

Þjónusta

Þjónusta og biðtími

  • Við bjóðum smærri viðgerðir á meðan beðið er eins og sprungið dekk á hjólastól
  • Viðgerð er gerð svo fljótt sem auðið er hverju sinni
  • Almennar viðgerðir unnar innan tveggja vinnudaga ef varahlutir eru fyrirliggjandi hér á landi
  • Varahlutir eru afgreiddir til þeirra aðila sem það vilja og geta skipt um sjálfir.

Flutningur

Okkar þjónusta felur í sér að við sækjum og sendum tæki í/úr viðgerð sem notandi getur ekki komið sjálfur með í hefðbundnum fólksbíl. Fyrir þá aðila mælum við með að senda netpóst til okkar á oryggi@oryggi.is eða hringja í síma 570 2400. Gott er að láta koma fram um hvaða tæki er að ræða, hver bilunin er, hvar tæki er staðsett og símanúmer þannig að hægt sé að hafa samband og ákveða hentuga tímasetningu til að sækja tæki.

Vinna í heimahúsi fer fram vegna veggfastra hjálpartækja eða hjálpartækja sem ekki er hentugt að flytja af heimili notenda s.s. sjúkrarúm. 

Mat á búnaði

Þegar kemur til álita að gera ekki við tæki/ breyta þarf tæki/ tæki sé of gamalt og þörf sé á endurnýjun þá skal verkstæði hafa samband við HTM Sjúkratrygginga Íslands. Það er í höndum starfsmanna HTM Sjúkratrygginga Íslands að ákvarða hvort endurnýja eigi hjálpartæki.

Neyðarþjónusta

 Við bjóðum upp á neyðarþjónustu í gegnum síma og öryggisaðstoð án tækniþjónustu vegna bilana á hjálpartækjum frá 17:00 - 24:00 virka daga og 09:00 - 24:00 um helgar.

 Neyðarþjónusta getur náð til bilunar í sjúkrarúmi, fólkslyftara, rafknúins hjólastóls og bílahjálpartækjum.

Við ákveðnar alvarlegar aðstæður þegar notandi er ósjálfbjarga í  hjálpartæki sínu sem bilar og getur ekki leitað aðstoðar hjá aðstoðarfólki eða sínum nánustu  t.d. vegna sjúkrarúms sem er fast í efstu stöðu, vegna veggfastar lyftu sem bilar og  notandi er fastur í segli lyftara. 

Síminn er 530-2400