Eldvarnafulltrúar

Ábyrgð á eldvörnum er á hendi eigenda byggingar í samræmi við lög nr.75/2000, sem og forráðamanns hennar.

Eigendum bygginga, sem lúta eftirliti slökkviliðs hvað eldvarnir varðar, ber að tilnefna eldvarnafulltrúa bygginga.

Hann þarf að hafa lokið námskeiði á vegum Húsnæðis- og mannvirkjastofnunnar um hlutverk og skyldur eldvarnarfulltrúa.

Helstu ábyrgðarhlutverk eldvarnafulltrúa:

• fer fyrir samskiptum við slökkvilið fyrir hönd eiganda eða umráðamanns byggingar
• tekur þátt í tilkynntum eftirlitsskoðunum
• þarf að búa yfir þekkingu á brunavarnarlöggjöf
• þarf að þekkja brunatæknilegt fyrirkomulag viðkomandi byggingar
• tryggir að eigið eldvarnareftirlit sé framkvæmt með reglulegum hætti í samvinnu við eiganda byggingar

Eldvarnafulltrúi getur verið starfsmaður á vegum eiganda eða umráðamanns, eða faglegur aðili.

Öryggismiðstöðin getur aðstoðað við framkvæmd verkefna eldvarnafulltrúa eða séð alfarið um hlutverk og skyldur hans.