Eftirlitsmyndavélakerfi

Eftirlitsmyndavélakerfi eru búin myndavélum til eftirlits fyrir skilgreind svæði sem senda síðan upplýsingar til myndþjóns til vistunar.

Með miðlægum nettengdum hugbúnaði er á aðgengilegan og notendavænan hátt hægt að horfa á lifandi myndefni í rauntíma sem og að nálgast vistað efni.

Margvíslegur ávinningur felst í öflugu myndavélakerfi:

• minni rýrnun í verslunum
• aukið öryggi starfsmanna og viðskiptavina
• aukin vernd eigna gegn skemmdarverkum og innbrotum
• markvissari og skjótari viðbrögð við frávikum

Rauntímavöktun í eftirlitsmyndavélakerfum gefur kerfunum tækifæri á að líta eftir skilgreindum atriðum og atvikum sem gerast í sjónsviði myndavéla og senda aðvörun áfram til viðtakenda.

Dæmi um fyrirbæri og atvik sem eru vöktuð í rauntíma:

• andlitsgreining
• þegar farið yfir línur sem skilgreina ákveðin svæði
• hópamyndun og hangs
• lestur bílnúmera

Við val á eftirlitsmyndavélakerfi er að mörgu að huga. Fjölbreytt úrval lausna er í boði sem henta allt frá heimilum og minni fyrirtækjum til mjög stórra og umfangsmikilla lausna fyrir stærri fyrirtæki og stofnanir.

Öryggismiðstöðin býður upp á sérhæfða ráðgjöf þar sem sérfræðingar veita ráð við val á búnaði og hönnun kerfis.