Fara á efnissvæði
Mínar síður Leita
Leita
EN
Mínar síður 0 Karfa

Hjálpartækjaverkstæði

Almennt um viðgerðarþjónustu hjálpartækja

Öryggismiðstöðin rekur öflugt verkstæði sem sinnir hvers kyns viðgerðum á hjálpartækjum. Við erum einnig með samning við Sjúkratryggingar Íslands um viðgerðarþjónustu þannig að hægt er að þjónusta öll hjálpartæki á einum stað.

Panta þjónusturáðgjöf
HJÁLPARTÆKJAVERKSTÆÐI

Samningur við Sjúkratryggingar Íslands

Ertu með hjálpartæki í láni frá Sjúkratryggingum Íslands (SÍ) sem þarfnast viðgerðar? Öryggismiðstöðin er með samning við SÍ um viðgerðir hjálpartækja og rekur fullbúið verkstæði. Við tökum við öllum tegundum hjálpartækja á verkstæði okkar að Askalind 1 í Kópavogi.

Fyrir stærri hjálpartæki er hægt að hringja í síma 570-2400 og óska eftir að tækið verði sótt.

Öll hjálpartæki á einum stað

Þú getur komið með öll hjálpartæki á einn stað. Við útvegum alla nauðsynlega varahluti og látum vita þegar hjálpartækið er tilbúið til afhendingar. Smærri viðgerðir er oft hægt að afgreiða á staðnum.

Við erum með aðstöðu fyrir þá sem bíða og alltaf er heitt á könnunni.

Sækjum, sendum eða vinnum á staðnum

Okkar þjónusta felur í sér að við sækjum og sendum í og úr viðgerð þau tæki sem notandi getur ekki komið sjálfur með í hefðbundnum fólksbíl. Fyrir þá aðila mælum við með að senda netpóst til okkar á velferd@oryggi.is eða hringja í síma 570-2400.

Ef póstur er sendur er gott að taka fram:

  • Nafn
  • Kennitala
  • Símanúmer
  • Hvaða tæki er um að ræða
  • Staðsetningu tækis
  • Hvort tækið sé eign Sjúkratrygginga Íslands eða ekki
  • Eðli bilunar

Við höfum svo samband og finnum í samráði hentuga tímasetningu til að sækja búnaðinn. Ef ekki er raunhæft að flytja tæki af heimili, svo sem sjúkrarúm, bjóðum við viðgerð í heimahúsi.

Ef óskað er eftir fleiri tækjum til viðgerðar er hægt að fylla út þar til gert eyðublað sem finna má hérna fyrir neðanog senda síðan útfyllt á velferd@oryggi.is

Mat á viðgerðarþörf

Þegar vafi er uppi um gagnsemi viðgerðar sökum aldurs, slits eða alvarleika bilunar hefur verkstæði okkar samband við hjálpartækjamiðstöð SÍ sem metur hvort endurnýja eigi hjálpartæki eða ekki.

Neyðarþjónusta

Við bjóðum upp á neyðarþjónustu og öryggisaðstoð án tækniþjónustu vegna bilana á hjálpartækjum frá kl. 16:00 - 24:00 virka daga og frá kl. 09:00 - 24:00 um helgar.

Ýmsar aðstæður geta komið upp sem kalla á öryggisaðstoð til notenda, til dæmis að:

  • Sjúkrarúm sé fast í efstu stöðu
  • Veggföst lyfta bili
  • Notandi sé fastur í segli lyftara

Sími neyðarþjónustu er 515-0120.

Verkstæði Öryggismiðstöðvarinnar í Askalind 2a er opið frá kl. 8-16 alla virka daga.

Eyðublað viðgerðarþjónustu

Ólafía Ragnarsdóttir

Ráðgjöf og sala / sjúkraliði Velferð og ráðgjöf

Stefán E. Hafsteinsson

Vörustjóri / iðjuþjálfi Velferð og ráðgjöf

Panta ráðgjöf

Ráðgjafar okkar veita allar nánari upplýsingar um hjálpartækjaverkstæðið.