Bílabreytingar
Bílabreytingar
Við bjóðum upp á heildræna þjónustu í bílabreytingum fyrir alla aldurshópa. Ráðgjöfin er einstaklingsbundin og framkvæmd af fagaðilum með heilbrigðismenntun og umhyggju að leiðarljósi. Öryggismiðstöðin er í samstarfi við öflugt og fullbúið bílabreytingaverkstæði með reynslumiklu starfsfólki innanborðs. Þar er boðið upp á sérhæfðar bílabreytingar fyrir einstaklinga, stofnanir og fyrirtæki.
Leiðin að betri lífsgæðum
Heildræn nálgun og samvinna er lykillinn að farsælli vegferð við að finna heppilega lausn fyrir notendur til að geta notið betri lífsgæða. Okkar markmið er að bjóða upp á heildstæða ráðgjöf og prófanir í sérstökum sýningarbíl sem hefur verið breytt. Allur öryggis- og tækjabúnaður er keyptur frá viðurkenndum aðilum.
Til að auka sjálfstæði við að keyra eða vera farþegar í bifreið má skipta bílabreytingum í sex flokka;
- VIÐ AKSTUR: Búnaður sem aðstoðar einstakling við að keyra með öruggum og sjálfstæðum hætti í einkabifreið. Hentar einnig við ökumat og kennslu.
- VIÐ AÐ SETJAST: Lausnir sem hjálpa einstaklingum að setjast inn í bifreið með eða án aðstoðar. Allt frá litlum flutningsbrettum yfir í stærri sætislyftur
- LYFTIBÚNAÐUR: Lyftur sem eru ætlaðar til að til að flytja hjólastól eða rafskutlu inn í bifreið með einföldum hætti fyrir ökumann eða farþega
- HJÓLASTÓLALYFTUR EÐA RAMPAR: Hjólastólalyftur, undirvagnslyftur og rampar til að einstaklingar geti keyrt hjólastól inn í bifreið með sjálfstæðum og öruggum hætti
- GÓLFEFNI OG SÆTI: Brautir og festingar í gólf fyrir sérstök ferðasæti í einka- og farþegabifreiðar
- ÖRYGGISBÚNAÐUR: Öryggisbelti- og festingar til að tryggja öryggi ökumanns eða farþega í bifreið á ferð. Bæði stuðningsbelti og festingar fyrir almenn hjálpartæki
Aðrar algengar lausnir má nefna ísetningu á kennslutækjum í bifreiðar fyrir ökukennara, búnaður fyrir ferðaþjónustu fatlaðra eða ferðaþjónustuaðila s.s. lyftur, festingar, bakstuðningur eða aðrar sértækar breytingar.
Lausnir sem hjálpa þér að keyra bifreið með öruggum hætti
Val aksturstækja er persónubundin og fer eftir þörfum hvers og eins notanda. Við mælum með að einstaklingar skoði vel það sem er í boði áður en ákvörðun er tekin. Innra rými bifreiðar getur haft áhrif á hvaða aksturstæki henta best.
Við mælum með að fólk noti stýrishnúð þar sem það veitir meira öryggi við akstur. Hægt er að velja um kúlugrip eða byssugrip.
Hægt er að fá rofabúnað til að aðstoða ökumann við að nýta sér almennar aðgerðir bifreiða t.d. stefnuljós, rúðuþurrkur, háuljósin o.fl. Fjöldi aðgerða fer eftir tegund bifreiða.
Fyrir flóknari stýribúnað, þá bjóðum við upp á sérhæfða aðlögun fyrir notendur til að keyra bifreiðar með stýripinna.
Tegundir af búnaði við akstur
Við bjóðum upp á úrval af aksturstækjum og rofabúnaði sem henta mismunandi bíltegundum og þörfum einstaklinga. Öll aksturstæki er hægt að fá fyrir vinstri eða hægri hendi. Rofabúnaði er háð bíltegund.
Carospeed Classic
Carospeed Classic er alhliða aksturstæki sem er aðlöguð að notanda og færir bensíngjöfina og bremsupedalana í leiðandi handstýringu; dragur stöngina að fyrir inngjöf og ýtir á til að bremsa.
- "Push-pull" týpa
- Einfald akstursstöng
- Ódýr kostur
- Hentar flestar bifreiðar
- Tímalaus hönnun
Veigel Compact II
VEIGEL Compact II aksturstækið sameinar nýstárlega notkun með frábærum þægindum og glæsilegri hönnun. Handfangið er aðlagað til að auðvelda inngjöf og virkja bremsuna. Hægt er að læsa bremsunni tímabundið með vélbúnaði sem er innbyggður í handfangið.
- "push-pull" týpa
- Frábær hönnun sem passar við innréttingu nýrra farartækja
- Gott grip fyrir inngjöf og hemlun
- Auðvelt að fella niður þegar það er ekki í notkun
- Mögulegt er að fjarlægja handstýringu án ummerkja
Veigel Classic II
Verðlaunahönnun aksturstækisins veitir ökumanni margvíslegan ávinning við akstur. Áreynslulaus inngjöf með því að snúa handfanginu réttsælis. Bremsan er virkjum með því að ýta létt áfram og læsa henni áreynslulaust. Lögun handgripsins dregur úr þreytu við lengri akstur.
- "Push-pull" týpa
- Áreynslulaus og þreytulaus hröðun og hemlun
- Áreynslulaus lögun handfangs
- Auðvelt að fella niður þegar það er ekki í notkun
- Mögulegt er að fjarlægja handstýringu án ummerkja
Veigel eClassic
Nýjasta hönnunin í aksturstækjum og er mun auðveldari í notkun þökk sé nýstárlegri rafrænni hröðun, sem gerir þér kleift að upplifa ökutækið þitt á alveg nýjan máta. Auðvelt er að stjórna hemlun og hröðun með því að nota höndina. Vinnuvistfræðileg lögun handfangsins gerir kleift að keyra þreytulausan.
- "Twist-Push" týpa
- Áreynslulaus og þreytulaus hröðun og hemlun.
- Hönnunin gefur meira pláss og fótarými
- Vistvænt og þægilegt grip
- Hægt er að stilla handfangið
- Veigel Gæði: 100% Framleitt í Þýskalandi
Vinstri fóta inngjöf
Vinstri fóta inngjöf er einfalt hjálpartæki sem færir inngjöfina yfir til vinstri í þeim tilfellum sem notendur geta ekki notað hægri fótinn. Búnaðurinn er skrúfaður fastur í ákveðinn bíl og ekki hægt flytja milli bifreiða nema með aðstoð frá tæknimanni.
- Hentar eingöngu í sjálfskipta bifreiðar
- Til í mismunandi útgáfum
- Hægt að fá framlengingu á pedala
Stýrishnúður með kúlugripi
Einfaldur stýrishnúður með kúlugripi til að auðvelda ökumanni að snúa stýri við akstur. Hægt að fjarlægja hnúðinn af stýri með auðveldum hætti. Stýrishnúðurinn léttir verulega undir ökumanni sem stýrir með aðra hönd á stýri þegar þörf er fyrir að beygja bifreið. Ökumaður getur þá hvílt hina hendina á aksturstæki sem stuðlar að öruggum akstri í umferðinni.
- Þægileg kúla sem fer vel í hendi
- Hægt að staðsetja á mismunandi stöðum við stýrið
- Auðvelt að fjærlægja stýrishnúðinn
Stýrishnúður með rofabúnaði
Möguleiki að tengja rofabúnað við bifreið. Hægt að bæta við allt að 13 aðgerðum en það er mismunandi eftir bíltegundum. Helstu aðgerðir eru; Stefnuljós, ljós/háuljós, flauta, rúðuþurrkur og rúðupiss fyrir fram- og afturrúðu, hliðarljós, næturljós, "hazard" ljós.
- Þráðlaus uppsetning
- Upplýstir hnappar fyrir næturkeyrslu
- Rafhlaða endist í u.þ.b. eitt ár
- Hægt að nota hefðbundar aðgerðir í bifreið
- Sérpantað fyrir ákveðna bíltegund
Byssugrip með rofabúnaði
Byssugrip með rofabúnaði. Hægt að bæta við allt að 13 aðgerðum en það er mismunandi eftir bíltegundum. Helstu aðgerðir eru; Stefnuljós, ljós/háuljós, flauta, rúðuþurrkur og rúðupiss fyrir fram- og afturrúðu, hliðarljós, næturljós, "hazard" ljós.
- Þráðlaus uppsetning
- Upplýstir hnappar fyrir næturkeyrslu
- Rafhlaða endist í u.þ.b. eitt ár
- Hægt að nota hefðbundar aðgerðir í bifreið
- Sérpantað fyrir ákveðna bíltegund
MiniKeypad
Þráðlaus rofabúnaður sem hægt er að staðsetja nær aksturstækis eða eftir þörfum ökumanns. Gerir ökumanni kleift að stjórna allt að sjö aðgerðum bifreiðar án þess að þurfa að taka höndina af aksturstækinu. Helstu aðgerðir eru; stefnuljós, ljós, flautu o.fl.
- Þráðlaus rofabúnaður
- Samhæft við flest aksturstæki
- Græn baklýsing þegar ekið er að næturlagi
- Hægt að staðsetja eftir þörfum notenda
Bæklingar og annað efni
Nytsamlegir bæklingar um aksturstæki, stýrishnúð og rofabúnað
Lausnir sem aðstoð þig við að setjast í bifreið
Að setjast inn í bifreið getur verið stór áskorun fyrir marga. Það getur jafnvel verið erfitt eða ómögulegt fyrir suma. Þrátt fyrir það, eru til ýmis hjálpartæki sem hjálpa þér að setjast inn í bifreið sem eru hönnuð fyrir bæði ökumann og farþega. Lausirnar taka mið af færni og getu einstaklings hverju sinni. Huga þarf að mörgum þáttum og er ágætt að velta fyrir sér eftirfarandi þrjár spurningar áður en áfram er haldið.
- Ertu ökumaður eða farþegi?
- Geturðu flutt þig sjálfur frá hjólastól yfir í bílsæti?
- Hvar viltu sitja í bílnum?
Flutningsbretti
Flutningsbretti er einföld lausn sem hjálpar fólki að flytja sig frá hjólastól yfir í bílsæti.
Snúningssæti
Með snúningssæti er átt við að aðlaga bifreið með þeim hætti að sæti getið snúið út úr bílnum og þannig auðveldað einstaklingum að setjast.
Sætalyftur
Sætalyftur eru rafknúnar snúningslyftur sem eru sett undir sérútbúið sæti sem snýst út úr bílnum og færir sig niður. Hentar vel í hærri og stærri bifreiðar.
Bíla-hjólastóll
Fyrir einstaklinga sem geta ekki staðið upp úr hjólastól, þá er möguleiki að geta flutt sig í framsæti á bifreið án þess að standa upp úr stólnum. Viðkomandi er þá fluttur í sérstökum Bíla-hjólastól sem auðveldar flutning og léttir undir við aðstoð.
Sérútbúin sæti
Með flestum breytingum er þörf á að skipta út upprunalegu bílsæti fyrir sérútbúnu sæti sem er aðlagað að þörfum notenda. Sætið er minna og því auðveldara að snúa því út úr bílnum.
Lausnirnar sem hjálpa þér að setjast í bifreið
Flutningsbretti
Einföld lausn sem léttir undir við flutning inn í bifreið. Flutningsbrettið er einfalt hjálpartæki sem hægt er að fella út við hliðina á sætinu og gefur þér rúmgott svæði til að flytja þig yfir í hjólastól.
- Hægt er að fjarlægja brettið með einföldu handtaki
- Hefur ekki áhrif á aðra sem nota bifreiðina að staðaldri
- Ísetning tekur stuttan tíma
Turny Low Vehicle
Turny Low Vehicle er snúingslyfta sem snýst og færir bílsætið næstum því alveg út fyrir ökutækið. Þetta auðveldar þér að setjast niður eða flytja þig úr hjólastól. Þegar þú ert kominn í sætið, ýtirðu á hnapp á fjarstýringu til að fara inn eða út úr bifreið.
- Möguleiki á mismunandi sætum
- Hentar vel fyrir lága fólksbíla
- Hentar bæði fyrir ökumann og farþega
- Virkar ekki með Carony
Turny 6-way
Turny 6-way er sætalyfta á sleða fyrir notendur sem þurfa flytja sig yfir í framsætið inn í stærri bifreið. Það er auðveldara að flytja sig frá hjólastól yfir í framsætið með Turny 6-way. Flutningurinn krefst minni orku og vöðvastyrk af notanda við flutning vegna þess að sætið getur snúið alveg að notanda.
- Hægt er að setja bæði fyrir ökumann og farþega
- Sætalyftan færist í 6 áttir; upp, niður, áfram, aftur og snúa til hægri og vinstri
- Hægt að nota upprunalegt sæti í bifreið með Turny 6-way
Turny Evo
Turny Evo er lausn sem hentar þeim sem þurfa hjálp við að komast inn og út úr bifreið. Með sætalyftunni er hægt að færa sætið alveg út fyrir ökutækið og lækkar sig niður í þá hæð sem hentar hverju sinni. Lausn sem getur hentar fjölbreyttum hóp notenda.
- Einföld og áhrifarík leið til að gera bifreiðina aðgengilegri
- Hentar bifreiðum sem eru hátt frá jörðu
- Allt að fimm mismunandi tegundir af sætum ganga með Turny Evo
- Hægt að bæta við bíla-hjólastól eftir á
Bíla-hjólastóll (Carony Classic)
BEf þú ert hjolastólanotandi og átt í vandræðum með að flytja þig yfir í bílsæti, gæti þetta verið rétta lausnin? Carony Classic er upprunaleg útgáfa af þessari snilldar uppfinningu sem auðveldar flutning yfir í bifreið. Helstu kostir eru:
- Ef þú getur ýtt hjólastól með manneskju, þá geturðu notað Carony Classic
- Gerir flutning yfir í bireið öruggari og þægilegri fyrir notanda og umönnunaraðila
- Gerir fólki kleift að sitja frammí við hilð ökumanns
Bíla-hjólastóll (Carony)
Carony er nýrri uppfærsla af bila-hjólastólnum (Carony Classic) sem auðveldar flutning notanda yfir í framsætið. Hjólastólanotandi fluttur inn í bireið í fjórum einföldum skrefum
- Í bifreiðinni er snúningslyfta sem þú snýrð út úr bílnum, með eða án rafmagni
- Snúningslyftan tengist við bíla-hjólastólinn með tveim smellum
- Þá er viðkomandi rennt frá undirstellinu yfir á snúningslyftuna með einu handtaki.
- Því næst er undirstellið aftengt við snúningslyftuna og viðkomandi fluttur inn í bifreið án áreynslu.
Bíla-seglalyftari
Einfaldasta lausnin til að flytja farþega frá hjólastól yfir í bifreið. Lyftarinn kemur í þrem pörtum og er hann festur tímabundið við hurðarspjaldið á meðan notandi er fluttur yfir í farþegasætið. Lyftarinn er síðan geymdur og notandi má sitja í lyftiseglinu á meðan.
Bæklingar og annað efni
Nytsamlegir bæklingar um búnað í tengslum við að setjast í bifreið.
Lausnir sem hjálpa þér að varðveita hjálpartæki í eigin bifreið
Hjálpartæki koma í ýmsum stærðum og gerðum. Það getur verið vandasamt að finna hentuga leið til að geyma búnaðinn í bifreiðina. Huga þarf að mörgum þáttum og er ágætt að byrja að velta fyrir sér eftirfarandi spurningum;
- Ertu ökumaður eða farþegi í bifreið?
- Hversu margir farþegar munu ferðast í bílnum?
Í næsta skrefi er þarf að velta fyrir sér eftirfarandi spurningum áður en val á lyftibúnaði fer fram;
- Hver er færni og geta notanda?
- Upplýsingar um hjálpartækið, tegund, stærð og þyngd?
- Hver er tegund bifreiðar?
Hægt er að flokka lyftibúnað í bifreið í eftirfarandi flokka, þó er það háð þeim svörum sem komu fram hér á undan;
- Krani í afturhlera
- Lyftisleði inn um afturhlera
- Lyftisleði inn um hliðarhurð
- Armur í skott á bifreið
- Farangursbox fyrir hjólastóla
Yfirlit yfir lyftibúnað til að varðveita hjálpartæki í bifreið
Krani í skott
Krani í skott er til í nokkrum útfærslum sem henta mismunandi bifreiðum og hjálpartækjum. Gerir kröfur um færni notanda við að geta stutt hjálpartækið inn í bifreið.
- Getur lyft allt að 200kg
- Heil bóma eða samanleggjanlegan
- Tekur lítið pláss
- Hægt að fjarlægja úr bifreið
Lyftisleði inn um afturhlera
Sleði í skott er lyftibúnaður sem rennur fram og krækir í hjálpartækið og dregur það inn í bifreið. Hentar fyrir hjólastóla með eða án aflbúnaðar.
- Er til í 20kg og 50kg útfærslu fyrir krossramma hjólastóla
- Mismunandi útfærslu eftir tegund hjólastóls t.d. fastramma eða krossramma
- Er auðveldari í notkun en krana lausn
- Er háð bíltegund og stærð skotts
Sleði inn um hliðarhurð
Sleði inn um hliðarhurð færir þér hjólastólinn að ökumanni. Lausn sem hentar aðeins í ákveðnar tegundir bifreiða og er háð breidd hjólastóls.
- Getur hentað ökumanni sem notar hjólastól að staðaldri
- Hentar bifreiðum sem eru með rennihurðum
- Hægt að breyta hurð í rennihurð á bifreið, er háð ákveðnum bíltegundum
- Hentar fyrir bæði fastramma og krossramma hjólastóla
Armur í skott
Armur í skott fyrir ökumenn sem nota fastramma hjólastóla. Sérhæfð lausn sem krefst nákvæmar mælingar á bifreið og hjólastól.
- Tekur aðeins 30 sekúndur að fara með arminn út
- Getur tekið allt að 32kg hjólastól
- Hentar ákveðnum tegundum bifreiða
Farangursbox fyrir hjólastól
Farangursbox til að varðveita hjólastól fyrir ökumann. Eina lausnin sem tekur ekkert pláss í bílnum!
- Hentar aðeins krossramma hjólastóla
- Getur lyft allt að 20kg
- Hámarks breidd hjólastóls samanbrotin er 35 cm
Lausnir sem gerir þér kleift að keyra inn í bifreið í hjólastól
Algengustu bílabreytingar eru hjólastólalyftur sem eru settar í afturhlera sem gerir einstaklingum í hjólastól kleift að keyra beint inn í bifreið. Þessar lausnir eru eingöngu fyrir meðal og stærri sendibifreiðar.
Undirvagnslyftur eru hjólastólalyftur sem eru festar undir sendibifreið með rennihurð. Hentar þeim sem þurfa hafa fleiri sæti í bifreiðum
Bifreiðarampar er ódýr og handhæg leið til að breyta sendibifreið í hjólastólabíl. Hentar vel fyrir leigubifreiðar og ferðaþjónustu sem vilja hafa valið.
Vinsældir á lækkuðu gólfi í minni sendibifreið hefur aukist sl. ár. Þá gefst einstaklingum kostur á að sitja aftast í venjulegum eða rafknúnum hjólastól.
Helstu lausnir
Hjólastólalyfta (Folding)
Lyfta sem bíður upp á stærsta pallinn en lægstu hæðina. Skyggir ekki á útsýnið og passar í meðal sendibifreiðar t.d. vclass eða multivan. Er til á öryggislager.
Folding lift E-1500
- Lengd og breidd á palli: 150x86 cm
- Lámarks hurðarhæð: 138 cm
- Lámarks hurðarbreidd: 110 cm
- Þyngdarþol: 400 kg
Hjólastólalyfta (Split)
Lyfta sem opnast við miðju í uppréttri stöðu. Auðveldar aðgengi að afturhlera t.d. fyrir innkaupapoka. Til í tveim útfærslum. Möguleiki á ísetningu í VW T6 eða MB V-Class/Vito
E-1050 Split
- Lengd og breidd á palli: 105x74 cm
- Lámarks hurðarhæð: 117 cm
- Lámarks hurðarbreidd: 96,5 cm
- Þyngdarþol: 400 kg
E-1320 Split
- Lengd og breidd á palli: 132x86 cm
- Lámarks hurðarhæð: 144 cm
- Lámarks hurðarbreidd: 108,5 cm
- Þyngdarþol: 400 kg
Hjólastólalyfta (Solid)
Lyfta með heilum lyftupalli í stærri sendibíla. Færri hreyfanlegir hlutir og henta því sérlega vel fyrir ferðaþjónustu bifreiðar.
E-1050 Solid
- Lengd og breidd á palli: 105x74 cm
- Lámarks hurðarhæð: 117 cm
- Lámarks hurðarbreidd: 96,5 cm
- Þyngdarþol: 400 kg
E-1320 Solid
- Lengd og breidd á palli: 132x86 cm
- Lámarks hurðarhæð: 144 cm
- Lámarks hurðarbreidd: 108,5 cm
- Þyngdarþol: 400 kg
E-1500 Solid
- Lengd og breidd á palli: 150x86 cm
- Lámarks hurðarhæð: 162 cm
- Lámarks hurðarbreidd: 110 cm
- Þyngdarþol: 400 kg
Undirvagnslyftur
Undirvagnslyfta sem er sett undir hlið sendiferðabifreiðar. Gerir einstaklingum í hjólastól að fara inn um hlið bílsins. Möguleiki á að halda fleiri sætum í bifreið. Til í tveim útfærslum: K70 og K90 eða 7 cm og 9 cm á þykkt. Pallastærð: 76 x 120 cm (80 cm breidd á K90) Burðarþol: 300 kg Þyngd: 170-175 kg
Helstu eiginleikar:
- Ofur þunn eða 70mm á þykkt
- Sterkbyggður lyftipallur sem hentar bæði fyrir handknúna og rafknúna hjólastóla
- Lokaður kassi úr ryðfríu stáli veitir vernd við erfið veðurskilyrði
- LED blikkandi ljós
- Innrétting ökutækis og þrep helst óbreytt
- Bluetooth fjarstýring eða app aðgerð (iOS, Android)
- *Tankabreyting
Bifreiðarampar
Bjóðum upp á rampa sem hægt er að fella saman í tvo eða þrjá hluta. Auðvelt að taka rampinn saman með einu handtaki. Fellanlegur rampur fyrir bíla sem fellur í þrjá hluta og dregur úr hæð rampsins þegar hann er samanbrotinn í bílnum og eykur útsýni frá baksýnispegli.
Lækkað gólf
Lækkað gólf í minni sendibifreið t.d. VW Caddy fyrir farþega í hjólastól. *ath. ekki hægt að breyta ökutæki með fjórhjóladrifi
Helstu kostir eru:
- Stuttur rampur
- Rúmgott farþegarými
- Hentar fyrir hefðbundin hjólastól og léttari rafknúna hjólastóla
- Löng rafknúinn belti á krókfestingum að framan
- Hægt að fella rampinn inn til að skapa meira rými
- Möguleiki á höfuð- og bakstuðningi (e. Future Safe)
Bæklingar og annað efni
Ýtarefni um þær lausnir sem fjallað er um:
Öryggi skiptir öllu máli
Við bjóðum upp á fjölbreyttan búnað í tengslum við öryggi farþega í hjólastól. Til að flytja einstakling í hjólastól í bifreið krefst fjórar krókfestingar, tvær að framan og tvær að aftan. Að auki þarf notandi sem situr í hjólastólnum að nota þriggja punkta öryggisbelti.
Við trúum því að allir eigi jafnan aðgang að ferðast með öruggum hætti í bifreið. Við höfum góðan skilning á þörfum notenda og endurspeglast það í fjölbreyttu úrvali okkar á öryggislausnum.
Okkar helsta vöruúrval nær yfir alls kyns hjólastólafestingar, allt frá gólffestingum í ökutækinu sjálfu til öryggisbelti fyrir farþega. Allar öryggisfestingar okkar uppfylla lágmarkskröfur ISO 10542.
Til að hjálpa þér að vinna réttu lausnina höfum við tekið saman algengustu lausnirnar. Ef þú þarft frekari aðstoð, ekki hika við að hafa samband við okkur og bóka tíma í ráðgjöf.
Krókfestingar
Krókfestingar ásamt mittisbelti í mismunandi útfærslum. Eigum ávallt til á lager krókfestingar í bolla eða braut.
Öryggisbelti þriggja punkta
Eigum ýmsar gerðir af beltum t.d. hæðarstillanleg sem henta fyrir mismunandi aðstæður hverju sinni. Val á belti fer eftir því hvernig hjólastólinn er festur.
Dahl dokka
Dahl Docking System er sérstök festing fyrir rafknúna hjólastóla. Styður ákveðnar tegundir hjólastóla.
Höfuð- og bakpúði
Höfuð- og bakpúði (e. Futuresafe) er notað í þeim tilvikum þar sem höfuðpúði er ekki til staðar á hjólastól.
Bæklingar og annað efni
Nytasmlegat efni í tengslum við þær lausnir sem við bjóðum upp á.
Myndbönd
Pantaðu tíma í ráðgjöf
Ráðgjafar okkar veita þér allar nánari upplýsingar um bifreiðalausnir.
Eða hringdu í síma
570 2400