Yfirlitsmyndir og flóttaleiðateikningar

Yfirlitsmyndir eða teikningar þurfa að vera til staðar við stjórnstöðvar brunaviðvörunarkerfa.

Á yfirlitsmynd eru atriði sem tilheyra brunaviðvörunarkerfinu og sýna staðsetningu skynjara og upplýsingar um vistfang þeirra til þess að auðvelda skilning og lestur á viðbragðsboðum sem frá brunaviðvörunarkerfi koma.

Yfirlitsmyndir brunaviðvörunarkerfa eru gerðar samkvæmt gildandi byggingareglugerð og þurfa að vera aðgengilegar í nálægð við stjórnstöð kerfis og í handbók þess.

Flóttaleiðir úr byggingum þurfa að vera til staðar og sýnilegar á sérstökum flóttaleiðateikningum sem hengdar eru upp á áberandi stað.

Flóttaleiðateikningar þurfa að vera auðveldar aflestrar og sýna vel staðsetningu mikilvægra öryggisþátta:

• útljósa
• slökkvitækja og brunaslangna
• handboða til þess að virkja brunaviðvörunarkerfa
• næstu flóttaleið
• safnstaði rýmingar

Öryggismiðstöðin gerir bæði yfirlitsmyndir og flóttaleiðateikningar fyrir allar gerðir bygginga.