Útsendir reikningar

Reikningar frá Öryggismiðstöðinni (410995-3369) eru upprunnir í bókhalds- og áætlunarkerfi sem sniðið er eftir reglugerð nr. 505/2013.

Um leið og við óskum þér til hamingju með kaupin mælumst við til að þú kynnir þér leiðbeiningar um rétta uppsetningu og notkun vörunnar þannig að hún geti þjónað þér sem lengst og best.

Ef einhverjar spurningar vakna, hikaðu ekki við að hafa samband við okkur.

Símanúmerið er 570 2400 og netfangið okkar er oryggi@oryggi.is

Ábyrgð

Um vörukaup fyrirtækja, opinberra aðila og einstaklinga sem kaupa vörur til atvinnurekstrar gilda ákvæði laga nr. 50/2000, um lausafjárkaup.

Um kaup einstaklinga á vörum sem ekki eru nýttar í atvinnuskyni gilda ákvæði laga nr. 48/2003, um neytendakaup. Um kaup einstaklinga á þjónustu gilda ákvæði laga nr. 42/2000, um þjónustukaup.

Öryggismiðstöðin er ekki skaðabótaskyld vegna tjóns sem kaupandi verður fyrir vegna galla á forriti, né tjóns sem stafar af rangri meðferð, misnotkun eða slysni.

Skilaréttur á vörum

Framvísa þarf afriti af reikningi þegar að vöru er skilað. Varan skal vera ónotuð og í upprunalegum umbúðum. Plastumbúðir og innsigli séu órofin.

Skilaréttur er 3 mánuðir frá kaupdegi.

Öryggismiðstöðin áskilur sér rétt til þess að hafna vöruskilum eða takmarka endurgreiðslu séu ofangreind atriði ekki fullnægjandi.

Sérpantaðri vöru er ekki hægt að skila.

Söluveð

Öryggismiðstöð Íslands á söluveð í öllum hinum seldu vörum til tryggingar á greiðslu samanlögðu kaupverði þeirra samkvæmt sölureikningi, vöxtum og kostnaði skv. 35. gr. laga nr. 75/1997, um samningsveð. Standi kaupandi ekki í skilum með framangreint kaupverð, er Öryggismiðstöðinni heimilt að krefjast nauðungarsölu á vörunum til fullnustu kröfu sinni eða söluveðsetningunni og krefjast afhendingar varanna.

Söluveðið fellur ekki brott af hinum seldu vörum fyrr en kaupverðið er að fullu greitt með reiðufé. Óheimilt er að selja hið veðsetta, breyta eða skeyta því við aðra hluti þannig að hætta sé á að söluveðið glatist.

Upplýsingum um útgáfu reikningsins á lögaðila, fjárhæð hans og hvenær hann verður greiddur, verður miðlað áfram i Greiðsluhegðunarkerfi Creditinfo Lánstrausts hf. Öryggismiðstöð Íslands hf. er heimilt að tilkynna um vanskil lögaðila til Creditinfo, til skráningar á skrá Creditinfo yfir vanskil o.fl.