Reykjadalur

Upp í Reykjadal við Hveragerði er afar falleg gönguleið.

Við upphaf hennar í Árhólma hefur verið staðið að mikilli uppbyggingu á svæðinu en þar að finna bílastæði, þjónustuhús og salernisaðstöðu fyrir gesti. Einnig hefur Hveragerðisbær staðið að uppbyggingu og endurbótum á göngustígum og merkingum í dalnum.

Gjaldtaka er á bílastæðinu til þess að kosta sjálfbæra uppbyggingu á svæðinu og með einföldum aðgengilegum hætti greiða gestir fyrir afnot af bílastæði á meðan gönguferð stendur með bílastæðakerfi frá Öryggismiðstöðinni.

Það virkar með þeim hætti að sérstök myndavél sem les bílnúmer tekur mynd af bílnúmeri bifreiðar við komu inn á svæðið. Áður en svæðið er yfirgefið þá er greitt fyrir afnotin með greiðsluvél sem staðsett er fyrir utan þjónustuhúsið eða með appi sem gestir hlaða niður fyrir komu.

Í greiðsluvélinni er hægt að greiða bæði með korti eða snjallsíma og einnig er boðið upp á snertilausa greiðslu. Á leið út af bílastæðinu er önnur myndavél sem staðfestir brottför og að viðkomandi hafi greitt fyrir heimsóknina.

Kjósi gestir að nota app þá er tenging til staðar við greiðsluapp EasyPark og þá er annað hvort hægt að handvelja áætlaðan afnotatíma fyrir fram eða velja sjálfvirkni með því að virkja „Camera parking“ möguleikann í appinu en þá er greiðslan sjálfvirk og miðast við komu og brottfarartíma skráðan í bílastæðakerfið með komu og brottfarar myndavélum.

Öryggismiðstöðin hvetur alla til þess að gera sér dagamun og ganga þessa fallegu leið og er stoltur samstarfsaðili Hveragerðisbæjar.