Heilbrigðistækni

Öryggismiðstöðin leggur mikla áherslu á tæknilausnir sem hafa virðingu notenda að leiðarljósi og styðja þá til að taka stjórn á eigin heilsu. Þannig má best bæta lífsgæði notenda, sjálfstæði og öryggi.

Heilbrigðistækni Öryggismiðstöðvarinnar endurspeglar vel þetta markmið. Lykilatriði í þessu samhengi er betri tenging milli heilbrigðisstarfsfólks og skjólstæðinga, sem tæknin auðveldar.

Lausnir Öryggismiðstöðvarinnar eru tengdar stafrænni heilsugátt sem heilbrigðisstarfsfólk getur haft aðgang að. Samhliða því að bæta lífsgæði skjólstæðinga getur heilbrigðistæknin því eflt margvíslega þjónustu og samstarf heilbrigðisstofnanna.

Dæmi um heilbrigðistækni sem Öryggismiðstöðin býður eru rafrænir lyfjaskammtarar. Hlutverk þeirra er fyrst og fremst að tryggja að skjólstæðingar taki rétt lyf á réttum tíma. 

Þannig bæta þeir meðferðarheldni og minnka þjónustuþörf sem eykur sjálfstæði skjólstæðinga.

Heilbrigðistæknilausnir Öryggismiðstöðvarinnar eru margreyndar á Norðurlöndunum og hafa rannsóknir þar sýnt fram á mikinn ávinning fyrir skjólstæðinga og umönnunaraðila.